شرائح الدجاج بالمشروم

ايه رأيك نعمل الدجاج بطريقة مختلفة . أكلتنا مقاديرها بسيطة ومتوفرة
وكمان هتعطيكى نتيجة تجنن ولا ألذ منها ,,, التجديد مطلوب تعالى جربيها
وقولى لنا رأيك فيها

المقادير:
2 صدور دجاج منزوع العظم
¼ كيلو مشروم مقطع شرائح
2 ملعقة كبيرة زيت زيتون
ملعقة كبيرة زبدة
ملح وفلفل أسود
½ كوب ميه

شرائح الدجاج بالمشروم Balsamic-chicken-w-mushrooms-1024x745

طريقة التحضير:
1- تبّلي صدور الدجاج بالملح والفلفل الأسود، وبعدين حطي الزيت في الطاسة
على النار وسخّنيه لعدة ثواني، وبعد كده ضيفي الدجاج وسوّيها على
الناحيتين، وبعدين ضيفي عليهم المشروم ورشّي عليهم شوية ملح وسيبيهم على
النار لمدة 5 دقائق.

2- شيلي الدجاج والمشروم من على النار وحطيهم في فرن درجة حرارته 200
درجة مئوية لمدة من 15 : 20 دقيقة، وبعدين طلّعي الفراخ من الفرن وافصليها
عن المشروم وغطّيها بالفويل وسيبيها على جنب لمدة 5 دقائق.

3- خدي المشروم وحطيه على نار متوسطة لمدة 5 دقائق، وبعد كده ضيفي الميه
وقلّبيهم، وبعدين ضيفي عليهم الزبدة واستمري بالتقليب على النار لحد ما
الزبدة تسيح، وبعد كده شيلي المشروم من على النار وضيفيه على صدور الدجاج ، وقدميه..
وبالصحة والهنا…

» شرائح لحم البفتيك اللذيذ
» شرائح اللحم بالبقسماط واللوز
» باستااا شورما الدجاج
» اسكالوب الدجاج
» صدور الدجاج بالبقصمات