دجااااج مقرمش

الدجاج من الأكلات الخفيفة اللى كلنا بنحبها ودايما بنحب نقدمه مقرمش لكن بنقلق من نسبة الدهون

اللى بيتشربها من القلى … النهاردة هنقدم الدجاج بس بسعرات حرارية أقل غير مشبع بالدهون طعمه رائع ،

اكلتنا مناسبة لكل اللى يتبعوا نظام غذائى للريجيم

المقادير:

6 قطع دجاد بانيه
ملعقة صغيرة فلفل أحمر مطحون (بابريكا)
1 ¼ كوب كورن فليكس مطحون
ملعقة صغيرة ثوم مفروم
بقدونس أخضر مفروم
بصلة صغيرة مفرومة
ملح وفلفل أسود
كوب لبن
زيت زيتون

طريقة التحضير:
1- اخلطي الدجاج مع اللبن، وقلّبيهم مع بعض كويس بحيث إن اللبن يغطّي الفراخ تماما، وبعد كده حطّي الدجاج في الخل، وشيليها في الفريزر لمدة 8 ساعات، مع تقليبها من وقت للتاني.

2- هاتي طبق غويط واخلطي الكورن فليكس مع الثوم والبصل والبابريكا والفلفل والملح، وبعد كده ضيفي عليهم الدجاج ، وقلّبيها كويس في الخليط ده علشان تتشّرب منه.

3- هاتي الصينية اللي هتعملي فيها الدجاج ، وافردي عليها طبقة من الورق الفويل، وادهنيه بطبقة خفيفة من زيت الزيتون، ودخّليها الفرن على درجة حرارة عالية؛ علشان تسخن، وبعد كده طلّعيها، وابدئي رصّي قطع الدجاج عليها، وادهنيها من فوق بطبقة خفيفة من زيت الزيتون، ودخّليها الفرن وسيبيها لمدة من 20 : 25 دقيقة أو لغاية ما الدجاج تستوي، وعند التقديم زيّنيها بالبقدونس الأخضر المفروم..
وبالصحة والهنا,,,