الحمام المشوى والمتبل بالزعتر والليمون

هنعمل مع بعض الحمام المشوى حشى اللى كلنا بنحبه وبندور دايما على طريقة
لذيذة تعجبنا وتشرفنا دايما امام عائلتنا واهلنا وأصدقائنا … تعالى جربيها
بطريقتنا هتعجبك جدااا والكل هيسألك عملتيها ازاى

المقادير:
3 فرد حمام (أو حسب الرغبة)
2 ملعقة كبيرة عصير ليمون
ملعقة كبيرة صلصة طماطم
½ ملعقة صغيرة بهارات
ملعقة صغيرة سكر
2 ملعقة كبيرة زيت
ملعقة صغيرة زعتر
½ كوب ميّة بصل
ملح وفلفل أسود

الحمام المشوى والمتبل بالزعتر والليمون 923143_579908535373235_85476333_n

طريقة التحضير:
1- اخلطي كل المقادير السابقة مع بعض ما عدا الحمام، وقلبيهم كويس، وتبّلي الخليط بكمية ملح وفلفل مناسبة.

2- افتحي الحمام من النص بالطول، وانقعيه بعد كده في الخليط لمدة يوم كامل، علشان يتّبل كويس.

2- رصّي الحمام في صينية ودخّليها في الفرن تحت الشواية، وكل 10 دقايق
طلّعي الحمام من الفرن وادهنيه بشوية من الخليط اللي تبّلتيه فيه ودخليه
الفرن تاني، واستمري في عمل الخطوة دي لغاية ما ياخد لون دهبي ويستوي.

3- قدّمي الحمام في أطباق التقديم مع رز بالخلطة.

وبالصحة والهنا….

» فيليه مشووووى بالزعتر
» الطماطم والليمون للتخلص من البقع السوداء والبثور
» ساعة ونصف في الحمام ماذا تفعل ؟!